Кіраўнік - Пятроўская Вольга Вячаславаўна
Даволі часта ў нашым жыцці здараюцца гісторыі, якія потым успамінаюцца доўгія гады, а мы шкадуем, што не можам «запісаць» іх так, як гэта робяць пісьменнікі. «Эх, такі б раман атрымаўся!» - часам зазначаем з жалем. Не можам ці не ўмеем? І калі мы здолеем навучыцца карыстацца, напрыклад, смартфонам, камп'ютарам ці кіраваць скутарам, што нам перашкаджае засвоіць і пісьменніцкае майстэрства? А можа нехта збіраецца пайсці вучыцца на журналіста, і вам жыццёва неабходна прадставіць экзаменатарам творчыя работы?
У нашай установе адукацыі ёсць для вас выйсце: літаратурна-творчае аб'яднанне «Парнас»! Тут вас навучаць не толькі асновам пісьменніцкага майстэрства, але і ахвотна абмяркуюць самыя цікавыя кніжныя навінкі, а таксама арганізуюць сустрэчы з вядомымі літаратарамі.
Прыходзьце!
Мы вельмі рады бачыць вас,
Каб разам пакарыць Парнас!
Мэта: развіццё творчых здольнасцей вучняў.
Задачы:
- стварэнне ўмоў для развіцця таленту вучняў;
- навучанне школьнікаў складанню вершаў розных жанраў;
- паглыбленне ведаў па асновах вершаскладання;
- фарміраванне нацыянальнай свядомасці вучняў, выхаванне любові да роднай зямлі, беларускага слова, гонару за беларускую літаратуру.
